【新手入門自學調酒 - 第一步曲】

JOANNA：『對調酒有興趣嘅你，喜歡飲Cocktail嘅你，終於都踏出第一步喇！😼👍⋯⋯第一件事，當然係擁有一套實用嘅調酒工具啦！

最基本需要有量杯，Shaker，隔冰器，Bar Spoon等等。又有分英式，美式，咁應該買邊種呢？

睇片啦！！😉』

【新手入門自學調酒 - 第二步曲】

JOANNA：『搵到啱駛又實用嘅調酒工具喇！屋企無冰調乜鬼呀？👻所以第二件事就係解決「冰粒嘅存儲同數量」

一般家用裝雪櫃，新款嘅入水就自動出冰，舊款嘅就要晌冷凍格裡面嘅小冰格雪冰。但其實以上嘅冰粒都唔適合調酒架！😱原因係冰粒太細，Shake嘅時侯溶化太快，雞尾酒就會好稀好水。

所以一個好嘅冰模就可以解決呢個問題，至於冰模有大有細，仲有全透明嘅制冰神器到底點㨂好啦？🤔

睇下阿Ken解說啦！』

【新手入門自學調酒 - 第三步曲】

JOANNA：『有工具，冰又有喇！仲未有酒wor😭買幾多？買邊隻呀？

如果你有心儀想試嘅雞尾酒款式或特定喜歡嘅烈酒，可以從呢方面入手。例如話我鐘意Mojito🌱，咁我就首先入手一支Rum酒，到玩熟咗就再發掘下，原來Rum仲可以做Pina Colada🍍，咁我就買多支Batida de Coco甜酒，慢慢將想試嘅款式擴散，建立自己晌屋企嘅「Cocktails Menu」

另一個建議，例如話我鐘意飲Whiskey🥃，咁我買支試下調Whiskey Sour先，跟住仲有咩Whiskey Cocktail呢？原來入手多支Angostura Bitters苦精就可以做Old Fashioned，入手多支Ginger Liqueur薑味甜酒就可以做Penicillin，慢慢將想試嘅款式擴散，又可以建立自己晌屋企嘅「Cocktails Menu」

而酒杯方面，最簡單就係入手你想調嘅款式所需嘅杯款就可以喇！

至於越儲越多酒會唔會過期架呢？又一齊睇片學下啦！😎』

【新手入門自學調酒 - 完成】

心動不如行動！我地Flair Iron Store材料同工具應有盡有，快啲去揀下，開始你嘅調酒世界啦！

1/ 調酒工具套裝

2/ 冰模及製冰神器

3/ 雞尾酒材料套裝

仲有野唔明唔使驚，隨時晌我地Youtube留言比我地啦！

以下係最基本需要嘅工具